Toyo Хүргэлтээр Улаанбаатар хот дотор бараа, илгээмж, бичиг баримт, хоол, том ачаа хүргүүлэх. Захиалга өгөхөөс ачаагаа хүлээж авах хүртэл алхам бүрийг зурагтай тайлбарлав.
Хүргэлтийн хуудас: toyoshop.mn/delivery. Утас, компьютер аль алинаас ажиллана — апп суулгах шаардлагагүй.
toyoshop.mn-ийн бүртгэлээрээ нэвтэрнэ. Бүртгэлгүй бол утасны дугаар, нууц үгээрээ 30 секундэд бүртгүүлнэ. Захиалгаа бөглөөд «Хүргэлт захиалах» дарахад нэвтрээгүй байвал нэвтрэх цонх гарч, нэвтэрсний дараа захиалга тань автоматаар илгээгдэнэ.
Төрөл, хэмжээгээ сонгож, ачаагаа товч тайлбарлана. Хэмжээ нь үнэ болон ямар тээврийн хэрэгсэлтэй хүргэгч авахад нөлөөлнө.
| Хэмжээ | Жишээ | Нэмэгдэл |
|---|---|---|
| Жижиг · ≤3 кг | Бичиг баримт, гар утас, жижиг хайрцаг | 0₮ |
| Дунд · ≤10 кг | Гутал, хувцасны уут, 2–3 хайрцаг | +2,000₮ |
| Том · ≤30 кг | Микро долгион, том хайрцаг — машин хэрэгтэй | +6,000₮ |
| Ачаа | Тавилга, хөргөгч — ачааны машин | +25,000₮ |
Барааны онцлог — хүргэгч ачааг хэрхэн барихыг мэдэхийн тулд сонгоно (олныг сонгож болно). Үнэд нөлөөлөхгүй.
🅰️ авах, 🅱️ хүргэх хаягийг бөглөнө. Газрын зураг дээр цэг тэмдэглэвэл хаяг автоматаар бичигдэж, үнэ нь зайгаар илүү оновчтой бодогдоно.
Систем тухайн хүргэлтийн дундаж үнийг санал болгоно. Та тэр үнээр нь эсвэл өөрийн үнийг тавина. Хүргэгч үнийг зөвшөөрөөд авна, эсвэл өөр үнэ санал болгоно.
| 📍 Хоёр цэг тэмдэглэсэн бол | 4,000₮ + км тутам 900₮ |
| Нэг дүүрэг дотор | 6,000₮ |
| Өөр дүүрэг рүү | 9,000₮ |
| Налайх, Багануур, Багахангай | 20,000₮ |
| ⚡ Яаралтай (1–2 цагт) | +5,000₮ |
| Хамгийн бага үнэ | 3,000₮ |
Үүн дээр хэмжээний нэмэгдэл нэмэгдэнэ. Үнэ 500₮-өөр бөөрөнхийлөгдөнө.
Захиалга өгмөгц ойролцоох баталгаажсан хүргэгчдэд харагдана. «🧾 Миний хүргэлт» хэсэгт явцаа харна — хуудас 30 секунд тутам шинэчлэгдэнэ.
Хүргэгч таны үнийг шууд зөвшөөрч авах, эсвэл өөр үнэ санал болгох боломжтой. Санал бүр дээр:
Таалагдсан саналаа «Зөвшөөрөх» дарахад ажил тэр хүргэгчид тэр үнээр шилжиж, бусад санал автоматаар хаагдана.
Хүргэгчийн нэр, утас, тээврийн хэрэгсэл, улсын дугаар танд харагдана. Энд гурван чухал зүйл бий: хүлээн авах код, чат, хүргэгч солих.
Захиалга бүрт 4 оронтой код үүснэ. Үүнийг зөвхөн та харна.
Хүргэгч таалагдахгүй (жишээ нь үнэлгээ муу, хэт хол) бол ажлыг авснаас хойш 15 минутын дотор, ачааг авахаас өмнө «Хүргэгч солих» дарна. Үлдсэн хугацаа тоологдож харагдана. Ажил бусад хүргэгчид дахин нээгдэж, солигдсон хүргэгч энэ ажлыг дахин харахгүй.
Шалтгаанаа сонгоод «Хүргэгч солих» дарна. Хүргэгч замдаа гарсан байж магадгүй тул солихын өмнө чатаар мэдэгдвэл эелдэг.
«Хүргэгчтэй чатлах» товчоор шууд бичнэ. Хаягаа тодруулах, хугацаа тохирох, «харуулд үлдээгээрэй» гэх мэтийг энд бичихэд тохиромжтой.
Хүргэгч хүлээлгэн өгөхдөө заавал зураг авч, хүлээн авагчийн кодыг оруулна. Энэ хоёр нь ачаа хүргэгдсэний баталгаа юм.
Юу болсныг товч бичээд илгээнэ. Админ хүлээлгэн өгсөн зураг, код, чатыг шалгаж, хоёр талтай холбогдоно. Танд Telegram эсвэл утсаар хариу өгнө.
Хүргэлтийн төлбөрийг тохирсон үнээр хүргэгчид бэлнээр эсвэл шилжүүлгээр төлнө. Сайтад урьдчилж төлөх зүйл байхгүй.
Хүргэгч хүлээн авагчаас авсан барааны мөнгийг гэрээний дагуу 24 цагийн дотор илгээгчид бүрэн шилжүүлнэ.
Хүргэгч тохирсон үнээс илүү мөнгө нэхэх эрхгүй. Нэхвэл «Асуудал мэдээлэх»-ээр мэдэгдэнэ үү.
Хүлээн авах кодоо зөвхөн ачаа гарт ирэхэд хэлнэ.
Эмзэг ачааг хайрцаглаж, тайлбарт «эмзэг» гэж бичнэ. Үнэтэй бараагаа зургаар баримтжуулна.
Мансууруулах бодис, зэвсэг, тэсэрч дэлбэрэх зүйл, хууль бус бараа илгээхийг хориглоно. Хүргэгч ийм ачааг авахаас татгалзана.
Үнээ «+1,000₮» эсвэл «+3,000₮» товчоор нэмнэ. Яаралтай бол дараагийн захиалгадаа «⚡ Яаралтай» сонгоорой. «Хүргэгчийг би өөрөө сонгоно» сонгосон бол хүсэлтүүдээ шалгаад аль нэгийг зөвшөөрнө.
Хүргэгч аваагүй байхад «Цуцлах» товчоор үнэгүй цуцална. Хүргэгч авсны дараа 15 минутын дотор «Хүргэгч солих» боломжтой. Ачааг авсны дараа хүргэгчтэйгээ эсвэл 9597 3366 дугаараар холбогдоно.
Хүргэгч кодгүйгээр зургаар баталгаажуулж хүлээлгэн өгч болно. Гэхдээ код оруулсан хүргэлт илүү найдвартай тул хүлээн авагчид кодоо урьдчилж илгээхийг зөвлөж байна.
Хүргэгч бүр иргэний үнэмлэх, (машин, мотоциклтой бол) жолооны үнэмлэх, сэлфи зургаа оруулж, хуулийн хариуцлагатай гэрээ байгуулсны дараа админ баталгаажуулдаг. Мөн та үнэлгээг нь харж сонгох, 15 минутад солих боломжтой.
Нээлттэй ажлын жагсаалтад зөвхөн дүүрэг, ойролцоо байршил, ачааны төрөл, үнэ харагдана. Нэр, утас, байр тоот нь ажлыг авсан хүргэгчид л харагдана. Дэлгэрэнгүйг нууцлалын бодлогоос харна уу.
Одоогоор Улаанбаатар хот болон Налайх, Багануур, Багахангай дүүрэгт үйлчилж байна.
Өөрийн цагаар, өөрийн сонгосон ажлаар орлого олоорой. Явган, мотоцикл, машин, ачааны машинтай хэн ч бүртгүүлж болно.
«🛵 Хүргэгч» хэсэгт мэдээллээ бөглөж, бичиг баримтынхаа зургийг хавсаргана:
Хүргэгчийн гэрээг доош нь хүртэл уншиж, «Зөвшөөрч байна» гэж тэмдэглээд, гарын үсгийн оронд овог нэрээ бичнэ. Гэрээнд хуулийн үндэслэл, таны эрх, үүрэг, хариуцлага (ачаа гэмтээх, COD мөнгө, шимтгэл) тодорхой бичигдсэн.
Илгээсний дараа админ шалгаж баталгаажуулна (ихэвчлэн 1 өдрийн дотор).
Баталгаажсаны дараа нээлттэй ажлууд харагдана: чиглэл, ойролцоо байршил, зай, ачаа, үнэ, шимтгэл ба гарт орох мөнгө, захиалагчийн үнэлгээ.
Хүргэлтийн төлбөрийг захиалагчаас шууд авна. Хүргэлт бүрийн 15%-ийг шимтгэл болгон 7 хоногийн дотор Хаан банк 5007908429 дансанд, гүйлгээний утга дээр утасны дугаараа бичиж төлнө.
Самбарын дээд хэсэгт 30 хоногийн хүргэлт, орлого, таны үнэлгээ, төлөх шимтгэл харагдана.
Асуух зүйл байвал 9597 3366
